Sumut-immersuiffissaq pillugu ilitsersuut

Tikittut pillugit paasissutissat toqqortarnissaat Sumut-immersuiffissami siunertaavoq, taamaaliornikkut tunillaassortut sumiissusersiornerannut atatillugu pisariaqassappat Nunatta Nakorsaaneqarfia paasissutissanik pissarsisinnaassammat.

Paasissutissat inummut paasissutissat pillugit inatsit naapertorlugu isumannaatsumik toqqorneqassapput.

MALUGIUK

• Ilinnuinnaq immersuussinnaavutit, meeqqallu 18-it inorlugit ukiullit taamaallaat immersuussinnaallugit.
• Sumut-immersuiffissaq immersortinnagu bilitsimik pisereersimasariaqarputit, inniminniinermut normu immersuiffissami atorneqartussaammat.
• Sumut-immersuiffissami paasissutissat tamarmik sapinngisamik eqqortuunissaat pingaaruteqarpoq: ullut aallarfissat, sumiiffissat oqarasuaatillu normua.

Kalaallit Nunaanniit aallarneq nammineq akisussaaffigineqarpoq
Kalaallit Nunaanniit aallarnissaguit, nammineq akisussaaffigissavat.

Kalaallit Nunaannut tikinnermi uppernarsaatit pisariallit
Kalaallit Nunaanni najugallit tikittut

• Sumut-immersuiffissamik immersuisimanermut uppernarsaat mailikkut nassiunneqarnikoq takutissavaat
• Rigshospitali aqqutigalugu Covid-19-imut misissortissimassapput - tamanna pillugu ilitsersuut www.nun.gl-imiittoq takujuk.

Kalaallit Nunaata avataani najugaqartut tikittut

• Sumut-immersuiffissamik immersuisimanermut uppernarsaat mailikkut nassiunneqarnikoq takutissavaat
• Misissortinnermi tunillatsissimannginnermut uppernarsaat ullunik amerlanerpaamik tallimanik pisoqaassusilik takutissavaat

Uppernarsaatinut piumasaqaatit pillugitu paasissutissat nun.gl-imi atuarsinnaavatit

Nassatanik tunniussininni uppernarsaatinik nassataqanngikkuit

• Nassatanik tunniussininni Sumut-immersuiffissamik immersuisimanermut uppernarsaat mailikkut nassiunneqarnikoq takusissinnaanngikkukku aamma/imaluunniit tunillatsissimannginnermut uppernarsaat takutissinnaanngikkukku timmisartumut ikisinnaanngilatit.
• Najugaqarnissannut atatillugusaniatigut aningaasartuutit allat nammineerlutit akilissavatit
• Billetterisat ullormut allamut nuunneqarsinnaassaaq, tassanilu uppernarsaat pisalik takutissavat

Aallannginninni Covid-19-imik tunillatsissimaguit

• Aallarnissat sioqqullugu Covid-19-imik tunillatsissimaguit, timmisartumut ikisinnaassanngilatit
• Covid-19-imut tunillatsissimanngikkuit, aatsaat Kalaallit Nunaannut angalasinnaalissaatit
• Najugaqarnissannut atatillugu saniatigut aningaasartuutit allat nammineerlutit akilissavatit
• Billeterisat ullormut allamut nuunneqarsinnaassaaq, tassanilu uppernarsaat pisarialik takutissavat

Sumut-immersuiffissamik immersuereeruit uppernarsaammik mailikkut nassitsissaatit, taannalu angalaninni uppernarsaatitut atussavat. Uppernarsaat mailikkut nassiunneqarnikoq qarasaasiakkut pappilissatulluunniit takutinneqarsinnaavoq.

Uppernarsaatitut mailimi ateq ullorlu aallarfissaq allassimapput, taakkulu mittarfimmi nassatanik tunniussisarfimmi sulisunit misissorneqassapput. Taamaattumik immersuininni paasissutissat ilinnut tunngasut, angalanissannut pilersaarutinni paasissutissat assigeqqissaarneraat misissoqqissaassavat.

Sumut-immersuiffissap immersornissaanut apeqqutissaqaruit

• 80 11 00 attavigiuk

Qarasaasiamik, internettimik, printerimik allanillu pisariaqartitsiguit, imaaliorsinnaavutit:

• Kalaallit Illuutaannut qaninnerpaamut saaffiginnigit.
  Attaveqarfissanut paasissutissat uaniipput: www.groenlandskehuse.dk imaluunniit
• Kalaallit Nunaata Sinniisoqarfianut oqarasuaatikkut saaffiginnigit:32833800, ullunillu marlunnik sioqqutsillutit naapinnissamut isumaqatigiissuteqarlutit.

Danmarkimi pisortat suliffeqarfiutaanni sulisut massakkut angerlarsimaffimminniit suleqqusaapput, tamakkulu pulaarfigeqqusaanngimmata naapinnissamut isumaqatigiissuteqareersimanissaq pingaaruteqarpoq.